ბროკოლის მობრაწულა
ინგრედიენტები
- ბროკოლი / 1 / კგ
- ყველი / 100 / გრ
- ხახვი / 1 / თავი
- ბულგარული წიწაკა (მწვანე) / 2 / ცალი
- ბულგარული წიწაკა (წითელი) / 2 / ცალი
- პომიდორი / 2 / ცალი
- კვერცხი / 4 / ცალი
- არაჟანი / 2 / სუფრის კოვზი
- ფქვილი / 2 / სუფრის კოვზი
- ქინძი / 20 / გრ
- მწვანე ხახვი / 20 / გრ
ნაბიჯი №1
ბროკოლი დავყოთ ყვავილებად, ჩავდოთ მდუღარე წყალში 3 წუთით. ამოვიღოთ წყლიდან და გავაციოთ. შემდეგ ბროკოლი დავჭრათ.
ნაბიჯი №2
დავჭრათ მწვანე და წითელი წიწაკა, ხახვი, პომიდორი და მწვანილი.
ნაბიჯი №3
ხახვი შევწვათ ზეთში.
ნაბიჯი №4
ფერს, რომ შეიცვლის დავამატოთ ბულგარული. დავაფაროთ თავსახური და ვთუშოთ დაბალ ცეცხლზე.
ნაბიჯი №5
შემდეგ დავამატოთ პომიდორი. ვშუშოთ დაახლოებით 5 - 8 წუთი.
ნაბიჯი №6
მოვამზადოთ მობრაწულას სოუსი: ჯამში ჩავახალოთ კვერცხი, მოვაყაროთ მარილი და შავი პილპილი.
ნაბიჯი №7
დავამატოთ არაჟანი და ფქვილი. ავურიოთ.
ნაბიჯი №8
დავამატოთ მწვანილი და ისევ ავურიოთ.
ნაბიჯი №9
ცეცხლგამძლე ფორმაში მოვათავსოთ ბროკოლის ნახევარი.
ნაბიჯი №10
ზემოდან დავდოთ მოშუშული ბოსტნეული და გავასწოროთ კოვზით.
ნაბიჯი №11
შემეგ დავდოთ დარჩენილი ბროკოლი და მოვასხათ კვერცხის სოუსი.
ნაბიჯი №12
შევბრაწოთ გაზქურაში 200°C 10 წუთით
ნაბიჯი №13
10 წუთის შემდეგ მოვაყაროთ გახეხილი ყველი და ვბრაწოთ კიდევ 10 წუთი.
ნაბიჯი №14
მობრაწულა მზადაა!
ნაბიჯი №15
გემრიელად მირთვით.
ავტორი:
aks75
ნანახია: 12760-ჯერ
Loading...
