ინგრედიენტები
- კვერცხი / 10 / ცალი
- ფქვილი / 250 / გრ
- შაქარი / 350 / გრ
- კაკაო / 3 / სუფრის კოვზი
- ვანილი / 1 / შეფუთვა
- ტორტის კრემი / 500 / გრ
- ხილი / გემოვნებით /
- კენკრა / მოსართავად /
ვიდეო
ნაბიჯი №1
გამოვაცხოთ ბისკვიტი:
- კვერცხის გული და კვერცხის ცილა განვაცალკევოთ. კვერცხის ცილა ავთქვიფოთ მიქსერით. ნელ-ნელა შევათქვიფოთ შაქარი.
- შემდეგ შევათქვიფოთ კვერცხის გული.
- პატარა საცრის დახმარებით დავაცრათ ერთმანეთში არეული კაკაო, ვანილი და ფქვილი.
- ავურიოთ ფრთხილად, ხის კოვზით დაბლიდან ზევით. ნაზად ვურევთ სანამ ფქვილი მთლიანად არ შეერევა მასას
- ცომი მოვათავსოთ ცხიმწასმულ პერგამენტიან ფორმაში და გამოვაცხოთ 180°C გაზქურაში.
ნაბიჯი №2
ბისკვიტი გავჭრათ შუაზე, ქვედა ნაწილიდან ამოვიღოთ შუა გული. ბისკვიტის ორივე მხარე დავნამოთ მურაბის წვენით.
ნაბიჯი №3
ხილი გავრეცხოთ და დავჭრათ.
ნაბიჯი №4
ბისკვიტის ქვედა ნაწილზე დავალაგოთ ხილი. (მე ატამი, ბანანი და ალუბალი გამოვიყენე) ზემოდან წავუსვათ ერთმანეთში არეული ბისკვიტის ნაჭრები და ტორტის კრემი. შემდეგ წავუსვათ ტორტის კრემი.
ნაბიჯი №5
ბისკვიტის ქვედა ნაწილზე დავადოთ ბისკვიტის მეორე მხარე. წავუსვათ ტორტის კრემი. გვერდებზე მოვაყაროთ დაფშვნილი ბისკვიტი. ზემოდან მოვაყაროთ გახეხილი შოკოლადი.
ნაბიჯი №6
ბოლოს მოვრთოთ ჟოლოთი და ალუბლით.
ნაბიჯი №7
გემრიელი შოკოლადის ტორტი მზადაა! გემრიელად მიირთვით.
ავტორი:
aks75
ნანახია: 15413-ჯერ
Loading...
